Geneigde Gerch-Leserinnen und geneigde Gerch-Leser, heid habder dess oller-oller-ollerletzda moll mei Samsdoochs-Gschichdla vor der Nosn – ich heer neemlich mit den Gewaaf in der Zeidung auf. Nooch 57 Johr und 3000 Gschichdla iss etzerd Schluss: Aus, Ebfl, Amen! Wemmer 83 Johr aufm Buggl hot, werrd ja zwischn die zwa Ohrn die Lufd schee langsam immer aweng merra – und wer wass, woss do nuch olles bassierd. Wie ich jedn-folls kerzlich im Werrdshaus nooch a boor Seidla Bier widder von der Saachrinna zerrigg zern Schdammdisch ganger bin, hot der Werrd quer durchs ganza Lokal gebläägd: „Gerch, dei Husndiirla iss nuch offn – hossd woll vergessn, dassd na Reißverschluss naufziggsd!“
