Der Rendner Hugo hot ols ehemolicher Briefdreecher dermoßn vill Leit kennagelernd, dass sei Einbligg in die menschlichn Seeln gresser iss wie olles, woss’mer in Fachbiechern driiber lesn ko – sogor na beriehmdn Psycholoong Sigmund Freud seina Erfohrunga sänn a Dregg dageecher! „Ich hob 50 Johr lang na liem Godd san ganzn Menschn-zoo derlebbd“, sochd der Hugo im Bligg zerrigg, „bruns-daaba Mannsbilder und esoderischa Feng-Schui-Weiwer, Zornbobbl und Graudwaafn, Rollerboggl und Laddschkabbn, Gleeskebf und Nervnseeng, Rindviecher, Geizgreeng – und net zer vergessn die mitera leichdn Schnabbsfahna.“