Der Friehrentner Willibald iss 1,64 Meeder groß und wiechd 112 Kilo – und wenn Bayern Minchn amoll verlorn hot, grichd er im Hier und Jetzd immer aweng an Moralischn und denkd bei an Fläschla Wein iber na Sinn vom Leem nooch – wassd scho: Wo kumm ich ols Mensch her, wo geh ich hie, wenn ich amoll na Leffl abgeem muss, wo gibd’s Freibier, und in wellern Werrdshaus grichd’mer die bessda Schlachdschissl? Sedda Sinnfroong werrn firn Willibald immer wichdicher, wall sei Hausarzd nooch der letzdn Undersuchung gsochd hot, dass’er weecher seina schlechdn Laborweerde eingd-lich scho gschdorm saa misserd.
