Ganz Deitschland fängd etzerd scho zern Bibbern o – aus Angsd, dass’mer heier im Winder dahamm in die einga vier Wänd derfrierd! Die Regierung will ja dess Broblem leesn, indem dass‘sa schnell nuch in jeder Eggn von der Welld a boor Drebfla Heizeel oder aweng Schdrom und Gas kaafd. Dabei braicherdn fei der Kanzler und sei Habeck bloß na Werrdshaus-Filosofn Josef vom Schdammdisch „Immer heiter“ froong, wall der mit san „Intelligenzquotienten“ von gnabb iiber 40 genau wass, wie’mer dahamm ohne kolda Fieß und roda Nosn gud ibern Winder kimmd.