Der Josef ärberd seid 23 Johr mit vier Kolleeng inera Schreinerei. Der Beruf gfälld‘na, wall’er werglich dess iss, woss’sa bei der Innung immer zer die neia Azubi soong: „Es ist ein moderner und abwechslungsreicher Beruf, der das traditionelle Handwerk mit Hightech-Wissen verbindet. Das bedeutet: arbeiten sowohl mit den Händen als auch mit dem Kopf.“ Drotzdem iss der Josef am Freidooch immer froh, dass die Wochn rum iss. Dann iss Schluss min Buggln – und er genießd dahamm die zwa freia Dooch auf san Bänkla hindern Haus, indem dass’er beieran Seidla Bier oder merra die Lufd beobachd und die Veegl zwiddschern heerd. Dann kehrd der Josef am Mondooch zerfriedn und frisch modivierd in die Werkschdadd zerrigg.
