Der Werner iss a bensionierder Lehrer, a Deitschlehrer – wassd scho: vill im Kobf, obber zehn Dauma! Der wenn dahamm a Bild aufhängd oder am Gaddnzaun zwa Laddn auswechsld, schleechd sei Fraa immer gleich die Händ ibern Kopf zamm. „Wennsd du an Hoomer in die Händ nimmsd, machsd doch olles bloß kabudd“, jammerd’sa jedsmoll, obber sedda Vorwirf bralln am Werner ab – fir den oldn Geizniggl iss neemlich die deira Rebba-radur voneran Handwerker nausgschmissns Geld.
