"Der Mensch ist ein Gewohnheitstier", sochd a olda Volksweisheid - und dess schdimmd werglich. Letzda Wochn iss der Hermann mit san Modoorrod in Hof aweng greiz und quer in der Schdadt rumgfohrn. An der Greizung am Granknhaus hot vor ihn die Ambl auf "Rot" gschaltn. Der Hermann iss mit seiner floddn Yamaha schee langsam bis karz vor die Ambl gerolld, iss schdehh gebliem - und dann iss'er wie in Zeidluubn mit san Modoorrod auf die rechda Seitn gekibbd und woa samsd seiner schwern Maschina schdreggs-der-läng auf der Schdraßn geleeng.