Der Konrad woa im Leem immer aweng a Außnseiter. Sei Vadder, a Heizungsbauer, hot sich um san Buum scho in der Schul grußa Sorng gemachd, wall der Gunger dauernd na Göthe und na Hölderlin seina Gedichdla gelesn hot. "Der Konrad iss auf kan gudn Weech", hot'er sellmoll gsochd und die Schdern gerunzld, "dess wenn so weider gedd, ko der Buu unnern Handwerks-Bedrieb schbeeder fei net ibernehma." Und werglich: Der Konrad iss Musigg-Lehrer worrn und hot sich neemher vor alln esoderisch min Welld-Undergang beschäfdchd.
