Der Leo iss a Mo mit eiserna Grundsätz! In der Ärberd und dahamm bei seiner Fraa leffd olles ab wie am Schniirla. Jedn Frieh um bunkd siema gedd der Leo ausn Haus, hoggd sich in sei Audo, fährd in die Firma - und um 20 Minuddn nooch fimfa iss'er widder dahamm. Sei Olda hot'er in 38 Ehejohrn gedrilld, sodass olla Zimmer ausschaua wie geleggd. Hund, Katz und die zwa Wellnsiddich sänn längsd abgschaffd, wall'sa sich in Leo sei keimfreia Welld net eigfiichd hamm - im ganzn Haus woan foddner aweng Dreggla rum geleeng. "Unner Rudl muss 100-brozendich sauber saa", hot der Leo immer gforderd, "wer Dregg machd, werrd ausn Rudl naus gschmissn."
