"Mit derra feddreichn Fresserei iss endgildich Schluss!", hot'er verschbrochn - und hot gleich nuch ann draaf gsetzd: "Ich verzichd bis Ostern sogoa auf Alkohol und raach kana Zigereddn mehr." Sei Fraa hot ihrn Emil weecher seina gudn Vorsätz sofodd ibern Schelln-Keenich gelobd. "Dess iss a Worrd", hot'sa zer ihrn Oldn gsochd - und hot aweng mit die Aang gezwinkerd. "Do iss obber fei aa heggsda Zeid worrn", hot'sa gsochd, "du Schbegger derfsd werglich amoll abnehma, sinsd blatzn dir ban Rasiern nuch deina Baggn auf."
