In Deitschland gibd’s jeds Johr im Sommer a Geheimnis, wo aa die Wissnschafdler ums Verreggn net rausfinna, woss dahinder schdeggd: Kaum fanga neemlich die grußn Ferien o, erscheind erchetzwo in unnern Land a mysderjees Viech, damit die Zeidunga und dess Fernsehng woss zern berichdn hamm. Erinnersd dich nuch an den Kaiman Sammy, an die Kuh Yvonne, an die Schildgreedn Schnabbi, an den Bärn Bruno oder an dess 20 Meeder langa „Ungeheuer von Loch Ness“ in Schoddland, dess woss immer dann moll karz zern Foddografiern aufdauchd, wenn bei uns Ferien sänn?
