Der Roland, der wo als Rendner in Grödnbrugg dahamm is und gern a schees Dässla Kaffee dringd, is seid a boar Johr Widwer. Und wall sich des Aufbrieha vo aaner ganzn Kanna zer frieh fier ann allaa nimmer gelohnd hod, isser auf so a moderna Kabbsl-Maschina umgschdieng, die scho a boor Johr in der Kichn rumgschdandn is. Vo seiner Kinner hod der Roland immer widder zer heern grichd, dass des die gressda Umweldverschmudzung is mit denna Kabbsln, wecher na Blasdigg, na Aluminium und iberhabd. Und wie ihm die Gunga dann noch vorgerechnd hamm, dass des Kilo Kaffee in so aaner Kabbsl ieber achzich Euro kossd, hädd der Roland fassd an Herzinfarggd grichd.