Der Reinhold quäld sich scho seit drei Monadn mit seiner glann Zeha am linkn Fuß rum. Des is wärglich a dragische Gschichd. Erschd had er sich mit derra Zeha daham am Eck vo der Bodwanna gschduasn. Wem des scho moll bassierd is, waß, dass die Schmerzn erschdns ewich dauern und zweidns su wia dan, wie wenn a 30-Donner iebern Fuß fährd. Ober dodazu kimmd nuch, dass der Reinhold genau an derra Zeha an eigwachsner Fußnagel had. Deswecha koh’er gor ned gscheid aufdredn und humbln misser ah. Vor am halbm Johr isser an dem Fuß oberrierd worn, des dud ah nuch ab und an mol wia. Aber des wors immer nuch ned, sei Fraa is ledzde Wochn zwa moll mim Schdaubsaucher am Reinhold seiner glann Zeha nogedodzd. Do is er fasd ausgflibbd vor Schmerzn.