Der Franz hot am Aschermiddwoch drei Finger von der rechdn Händ in die Heh gereggd und seiner Oldn "bei Godd na Allmächdichn" gschwoan, dass'er in der Fassdnzeid dess Essn und Drinkn radikol eischränkd. "Mit derra feddreichn Fresserei iss Schluss!", hot'er ver-
schbrochn - und gleich nuch ann draaf gsetzd: "Ich verzichd bis Ostern sogoa auf Alkohol und raach kana Zigereddn mehr." Sei Fraa hot na Franz weecher seina guudn Vorsätz sofodd ibern Schelln-Keenich gelobbd. "Dess iss a Worrd", hot'sa zer ihrn Oldn gsochd - und hot aweng mit die Aang gezwinkerd. "Do iss fei aa heggsda Zeid worrn", hot'sa gsochd, "du Schpegger derfsd fei werglich aweng abnehma, sinsd blatzn dir deina Baggn auf, wennsd dich ban Rasiern mit der Klinga schnaddsd."
