Topthemen: Hof-GalerieWaldschratDie Bilder vom WochenendeFall Peggy KnoblochSelber Wölfe

Hof

Hofer Spaziergänger

Der arma Vadder!

Am 6. Januar falln ja immer zwa wichdicha Ereignisser zamm: Mer drinkd sich an Hochneijohr die Schdärk o - und außerdem werrd an den Dooch dahamm immer der Chrissbaam verraamd. Fir olles zwa iss immer der Vadder zuschdändich.



Der arma Vadder!
Der arma Vadder!  

Am 6. Januar falln ja immer zwa wichdicha Ereignisser zamm: Mer drinkd sich an Hochneijohr die Schdärk o - und außerdem werrd an den Dooch dahamm immer der Chrissbaam verraamd. Fir olles zwa iss immer der Vadder zuschdändich. Leider wass’mer aus Erfohrung, dass a sedda Dobbl-Belassdung firn Vadder gfährlich werrn ko. Firsch Abbutzn vom brassl-derrn Chrissbaam brauchsd neemlich an gloan Kobf und zwa ruicha Händ, sinsd muss‘mer die ausgederrdn Danna-Noodln aanzln ausn schneeweißn, hochfloorichn Flokati raus bobbln - do ko sich fei dess Boggbier, woss der Vadder vorher im Werrdshaus ban Schdärk-Drinkn gsuffn hot, verheerend auswirkn! Wenn dann nuch von der Mudder - wie‘s heier bei unnera Nachbern bassierd iss - aweng a neia Idee dazu kimmd, nocherd iss der Vadder fei vellich iberforderd.

Online-Special

Viele Gerch-Geschichten unter

www.frankenpost.de

Kontakt zum Autor:

www.gert-boehm.de

 

Die neia Idee woa, dass driim bei die Nachbern die Mudder dessmoll kana echdn Blätzla an ihrn Chrissbaam no hänga wolld, wall vorigs Johr der Hund olles abgfressn hot - sellmoll iss sogoa der ganza Baam weechern Hund san Gezerr umgekibbd. Dessweecher hot die Mudder heier exdra a Blech vuller Blätzla aus Salzdaag gebaggn und ols Chrissbaam-Schmugg an die Nordmann-Danna no k’hängd. Die Herzla und Schdernla aus den Salzdaag hamm zwoa ausgschaud wie richdicha Blätzla, woan obber ungenießboa und hadd wie Schdaa - Fichtlgebirgs-Granidd iss a Dregg dageecher! Dessweecher hot die Mudder ihrn Oldn scho am Haalinga Amd gewarnd: "Dass’d fei heier kana Blätzla vom Chrissbaam runder reißd und zamm frissd! Die hob’ich neemlich aus Salzdaag gemachd - die sänn bogglhadd, do beißd sich sogoa unner Hund die Zeh aus!"

 

Am Drei-Keenich-Dooch hot sich der Vadder ba n Friehschobbn im Werrdshaus genisslich mit drei Flaschn Dobblbogg die Schdärk ogedrunkn - hindn im Hals hot dess Zäbfla nooch jedn Schlugg nuch zwa Minuddn lang vor Freid vibrierd. Nooch derra Schdärkung iss der Vadder hamm gewaggld, hot sich im Wohnzimmer in san Sessl nei falln lossn und hot in san Raischla iberleechd, wie’er etzerd na Chrissbaam endsorng ko. Dann hot’er zer doo k’habd, dass‘er weecher seina drei Seidla Dobblbogg iberhabsd nuch ausn Sessl raus kumma iss - und iss mit waacha Gnie in die Eggn zern Chrissbaam hie gschwankd. Wall’s na obber dabei im Kobf aweng schwummerich worrn iss, hot’er sich mit der linkn Händ am Baamla fessdk’holdn - und in den Moment hamm seine glosichn Aang die Blätzla endeggd. An die Warnung von seiner Oldn, dass der Chrissbaam-Schmugg heier aus Salzdaag woa, hot der Vadder weecher san eigewerrdn Dobblbogg-Hirn nimmer gedachd. Er hot in san Zinder a Blätzla vom Chrissbaam ro gerissn, gräffdich nauf gebissn - und in der näggsdn Sekundn hot’er vor Schmerz gebeegd wie a gschdochna Sau: Im Oberkiefer iss’na die deira Keramik-Grona am linkn Eggzahn gschblidderd! Der Vadder konnd sofodd nix Haaß und nix Kolds mehr drinkn, wall jedsmoll der Blitz in san Zahn nei gfohrn iss. Näggsda Wochn grichd der arma Deifl von san Zohnarzd na Kossdn-Voranschlooch fir a neia Keramik-Grona - weecher denner Salzdaag-Blätzla woan’s heier fei deira Weihnachdn… Gerch

Autor
Gert Böhm

Gert Böhm

Kontakt zum Autor

Autor zu »Meine Themen« hinzufügen

Veröffentlicht am:
11. 01. 2019
20:56 Uhr

Für »Meine Themen« verfügbare Schlagworte

zu Meine Themen hinzufügen

Hinzufügen

Schlagwort zu
Meine Themen

zu Meine Themen hinzufügen

Hinzufügen

Sie haben bereits von 15 Themen gewählt

Bearbeiten

Sie verfolgen dieses Thema bereits

Entfernen

Für die Nutzung von "Meine Themen" ist ihr Einverständnis zur Datenspeicherung nötig.

Weiter
Gerch
Diesen Artikel teilen / ausdrucken


 
Mehr zum Thema
Maus-Gifd oder Konfeddi?

15.03.2019

Maus-Gifd oder Konfeddi?

Der Willi lebbd allaans ineran glann Haisla draußn am Schdadtrand. Ols Renndner ko’er kana grußn Schbring machn, sinsd langd na hindn und vorn sei Geld net aus. » mehr

Angriff aus der Schlachdschissl

08.03.2019

Angriff aus der Schlachdschissl

Eingdlich iss der Rudi a friedlicher Mensch, der woss sich so schnell net aus der Ruh bränga lässd. Obber letzda Wochn hot’er ineran Werrdshaus im Franknwold die Beherrschung verlorn. » mehr

Nächdlicha Schlangafohrd durch Hof

01.03.2019

Nächdlicha Schlangafohrd durch Hof

Der Edwin und sei Erika sänn seit 32 Johr gligglich verheierd. » mehr

Wehe, dir schdeggd woss im Hals!

22.02.2019

Wehe, dir schdeggd woss im Hals!

Vier Wochn nooch ihrer Kiefer-Obberazion konnd die Karin immer nuch net gscheid kaia. Und ihr Guschn hot‘sa bloß an glann Schballd aufmachn kenna, woss ollerdings aus Sichd von ihrn Oldn net amoll so schlechd wor. » mehr

Die Weiwer und ihra Handdaschn!

15.02.2019

Die Weiwer und ihra Handdaschn!

Die Helga und ihr Freindin hamm in der Siidtiroler Schi-Region "Kronplatz" a boor Dooch Urlaub gemachd. Scheena Bissdn, a subber Hodell, der "Jager-Tee" und die "after ski party" - die zwa floddn Hofer Weiwer woan begeis... » mehr

Vorsichd mit "Bade-Pralinen"!

08.02.2019

Vorsichd mit "Bade-Pralinen"!

Es iss fei nuch gor net so lang her, do hot der "homo sapiens" - also der vernimfdicha Mensch - sei ganza "Körperreinigung" am Waschbeggn, under der Dusch oder in der Bodwanna mit Kernsaafn erledichd. » mehr

Bildergalerie » zur Übersicht

Vivi Vassilevas Universe of Percussion

Vivi Vassilevas Universe of Percussion | 20.03.2019 Hof
» 66 Bilder ansehen

Black Base mit DJ Kurbi

Black Base mit DJ Kurbi | 17.03.2019 Hof
» 54 Bilder ansehen

Playoff 3: Hannover Indians - Selber Wölfe 4:1 Hannover

Playoff 3: Hannover Indians - Selber Wölfe 4:1 | 19.03.2019 Hannover
» 50 Bilder ansehen

Autor
Gert Böhm

Gert Böhm

Kontakt zum Autor

Autor zu »Meine Themen« hinzufügen

Veröffentlicht am:
11. 01. 2019
20:56 Uhr



^
Ändern Einverstanden

Diese Webseite nutzt Cookies für Funktions-, Statistik- und Werbezwecke. In unserer » Datenschutzerklärung können Sie die Cookie-Einstellungen ändern. Wenn Sie der Verwendung von Cookies zustimmen, klicken Sie bitte "Einverstanden".