Topthemen: HöllentalbrückenBrandserieHof-GalerieKaufhof-PläneGerch

Hof

Hofer Spaziergänger

Dess Wunner von Sotschi

Der Richard woa scho immer a Fußball-Narr! Ols Aktiver hot'er mit san Dorfverein frieher zwoa bloß in der Kreisliga gschbilld, obber von seina Bluud-Grätschn werrd heid nuch am Schdammdisch mit Hochachdung derzelld. Kerzlich hot'na sei Fraa zum 50.



Gerch
 

Der Richard woa scho immer a Fußball-Narr! Ols Aktiver hot'er mit san Dorfverein frieher zwoa bloß in der Kreisliga gschbilld, obber von seina Bluud-Grätschn werrd heid nuch am Schdammdisch mit Hochachdung derzelld. Kerzlich hot'na sei Fraa zum 50. Gebardsdooch a bsondera Freid gemachd: Sie hot ihrn Oldn fir 1850 Euro a "10-Tages-Reise" zur Fußboll-WM in Russland gschenkd - der Richard iss vor Begeisderung iber dess originella Gschenk boll verriggd worrn! Er hot sich also driim in Russland die deitschn Schbiele ogschaud, obber die Freid iss na fei verganga - und zwoa net aus Ärger iber die schwachn Leisdunga von unnerer Nazionalmannschafd, sondern weecher ganz woss annern!

Vergangana Samsdooch iss neemlich der Richard min Flugzeich von Moskau nooch Sotschi gfloong, wo Deitschland geecher Schwedn gschbilld hot. Am Voramd hot der Richard in san Hodell an der Bar aweng mit ana Russin ogebändld - und um Middernachd nooch na sibbdn "Wodka-Feige-Cocktail" hot'er derra schenn rodhoorichn Fraa net bloß auf Englisch die Abseits-Regl erglärd, sondern er hot'sa gleich firn näggsdn Dooch mit ins Fußboll-Schdadion eigeloodn. A "Schwarzmarkt-Ticket" fir dess Schbill hot der Richard sofodd an der Hodell-Bar kaafd - fir schdramma 200 Eurouro, obber dess wor's ihn weerd.

Wie dann im Fußball-Schdadion von Sotschi am näggsdn Dooch der Kroos in der 95. Minuddn na Freischdoß zum 2:1-Sieg gschossn hot, sänn die Zuschauer im deitschn Blogg boll närrisch worrn - im Fernsehng iss die Kamera langsam iber die Leit auf der Tribüna gschwenkd und hot die Begeisderung am Bildschirm gezeigd. Dahamm im Richard san Dorfwerrdshaus wor olles sogor afera Großleinwand zer sehng. Aferamoll hot der Werrd gebläkd. "Schaud ner hie, do sitzd doch unner Richard!" - und werglich: In Leibesgreeß hot die Kamera under die 44 287 Zuschauer ausgerechnd na Richard gezeigd, wie'er vor lauder Freid immerzu sei rodhooricha Russin umarmd und abgebussld hot. Na Richard sei Olda, die woss dahamm bei den "Public viewing" im Dorfwerrdshaus aa dabei woa, hot gedachd, sie sichd net richdich. "Der Kerl soll ner hamm kumma", hot'sa mit dinna Libbn gegnurrd, "dann vergedd'na scho dess Lachn!" Womit widder moll bewiesn iss: Fußball iss schee, obber aa gfährlich...

Autor
Gert Böhm

Gert Böhm

Kontakt zum Autor

Autor zu »Meine Themen« hinzufügen

Veröffentlicht am:
29. 06. 2018
21:34 Uhr

Für »Meine Themen« verfügbare Schlagworte

zu Meine Themen hinzufügen

Hinzufügen

Schlagwort zu
Meine Themen

zu Meine Themen hinzufügen

Hinzufügen

Sie haben bereits von 15 Themen gewählt

Bearbeiten

Sie verfolgen dieses Thema bereits

Entfernen

Für die Nutzung von "Meine Themen" ist ihr Einverständnis zur Datenspeicherung nötig.

Weiter
Bars Bildschirme Gerch Kameras und Photoapparate Ärger
Diesen Artikel teilen / ausdrucken


 
Mehr zum Thema
Gerch

11.08.2017

Problem min Urlaubs-Foddo

Mei Freind Wolfgang hot auf derra griechischn Insl Korfu an schenn Urlaub verbrachd. » mehr

Hund im Vollrausch

21.09.2018

Hund im Vollrausch

Im Gaddn woa dess Grillfessd in vollm Gang. » mehr

Neeber der Kabbn!

14.09.2018

Neeber der Kabbn!

Der Klaus iss zwoa scho 73, obber dreimoll in der Wochn nimmd'er seina zwa Schdeggn und drehd mit a boor Kumbl a Rundn um na Untreusee - so blabbd'er fidd! » mehr

Dädduu aufm Bauch: a Aff

07.09.2018

Dädduu aufm Bauch: a Aff

Ob am Arm oder aufm Bauch, am Hols, hindn aufm Buggl oder auf die Oaschbaggn: Bei junga Maadla schaud a Dädduu massdns schee aus. » mehr

Die Schofkobf-Karrder und die Bollizei

31.08.2018

Die Schofkobf-Karrder und die Bollizei

Am Kerchdurm hot die Gloggn um Middernachd zwelf Moll gschloong, obber neemdro im Dorfwerrdshaus hamm die letzdn vier Gässd immer nuch ka Lussd k'habd, dass'sa endlich hamm gänga. » mehr

Der Bossbood und die Hund

25.08.2018

Der Bossbood und die Hund

Briefdreecher sänn ja freindlicha Menschn. » mehr

Bildergalerie » zur Übersicht

Rockman Run auf der Luisenburg

Rockman Run auf der Luisenburg | 22.09.2018
» 162 Bilder ansehen

Summer-Opening auf der Bowling-Bahn in Kirchenlamitz

Summer-Opening auf der Bowling-Bahn in Kirchenlamitz | 23.09.2018
» 60 Bilder ansehen

SG Lippertsgrün/Marlesreuth - FCR Geroldsgrün II |
» 67 Bilder ansehen

Autor
Gert Böhm

Gert Böhm

Kontakt zum Autor

Autor zu »Meine Themen« hinzufügen

Veröffentlicht am:
29. 06. 2018
21:34 Uhr



^
Ändern Einverstanden

Diese Webseite nutzt Cookies für Funktions-, Statistik- und Werbezwecke. In unserer » Datenschutzerklärung können Sie die Cookie-Einstellungen ändern. Wenn Sie der Verwendung von Cookies zustimmen, klicken Sie bitte "Einverstanden".