Der Herbert iss zwoa scho 47 Johr old, obber er iss immer nuch a echder 'Panker': aufm Kopf hot'er san Irokesn-Schnidd griin gfärbd, in der Nosn hängd a Schlisslbund, im rechdn Ohrläbbla schdeggn vier silberna Ring - und olla zwa Arm sänn kombledd däddowierd mit chinesischa Zeichn. Na Herbert sei gressda Freid iss obber sei Liebling, der "Nero", a englischa Bulldoggn. Der Hund und dess Herrla bassn bsonders schee zamm: Der Herbert iss brasslderr und hot Baa wie a Bachschdelzn - dageecher schdedd sei vellich iberfressna Bulldoggn wie a digga Walzn auf vier karza Schdambfer und hot an zammgedriggdn Kobf, wie wenn'er mit der Nosn grod frondaal an a Mauer no gewerchd iss.
