Die massdn Leit kämbfn nooch Weihnachdn mit ihrn Gewichd, wall’sa iber die Feierdooch immer Gäns und Glees, Brodwärschd und feddn Aal, Dschibbs, Blätzla und Schdolln neischlichdn, dass’sa nachds wie gebrelld im Bedd drinna lieng und bis zer frieh um viera auf der Schdern schwitzn. "Die aanzinga Menschn, die wossn iber Weihnachdn ka Gramm zunehma, sänn wohrscheins die Veganer", hot ban Friehschobbn in unnern Werrdshaus aner gsochd.
